काठमाडौं । राष्ट्रिय सभानिर्वाचनका लागि नेपाली कांग्रेसका कृष्णप्रसाद सिटौलाले कोशी प्रदेशमा मनोनयन दर्ता गरेका छन् ।
सिटौलाको प्रस्तावकमा प्रदीप सुनुवार र समर्थकमा हिमाल कार्की रहेका छन् ।
आइतबार बसेको कांग्रेसको संसदीय बोर्डको बैठकले माघ १३ गते हुने राष्ट्रियसभा निर्वाचनमा कोसी प्रदेशबाट सिटौलालाई उमेदवार बनाउने निर्णय गरेको थियो ।
गत प्रतिनिधि सभा चुनावमा राप्रपाका राजेन्द्र लिङदेनसँग सिटौला पराजित भएका थिए ।
सत्ता गठबन्धनले कोशी प्रदेशबाट खाली हुने राष्ट्रिय सभा सदस्यमा कांग्रेस र माओवादीले पाउने गरी भागबण्डा गरेको थियो ।
