काठमाडौँ । साफ यू–२० च्याम्पियनपशिप फुटबल प्रतियोगिताको उपाधिका लागि अहिले नेपाल र बङ्लादेशबीच प्रतिस्पर्धा भइरहेको छ ।
सातदोबाटोस्थित अखिल नेपाल फुटबल सङ्घ (एन्फा)को मुख्यालयको खेलमैदानमा जारी खेलको दोस्रो हाफमा बङ्गलादेशले नेपालमाथि ३–० गोलको अग्रता बनाएको हो । खेलको ७१ औं मिनेटमा रवि हुसेनले तेस्रो गोल गरेका हुन् । त्यसअघि दुई गोल भने मिराजुलले गरेका थिए । दोस्रो गोल ५५ औं मिनेटमा भएको थियो भने पहिलो गोल खेलको पहिलो हाफमा भएको थियो ।
खेलको विभिन्न समयमा नेपालले गोल गर्न प्रयास गरे पनि असफल बनेको छ ।
बङ्गलादेशलाई पराजित गर्दै नेपाल साफ च्याम्पियनशिपको उपाधिमाथि ‘ह्याट्रिक’ गर्न चाहन्छ । यसअघि नेपालले सन् २०१५ र १०१७ मा साफ च्याम्पियनशिपको उपाधि जितेको थियो ।
त्यसो त बङ्गलादेश पनि पहिलोपटक उपाधि उचाल्ने दाउमा रहेको छ ।
रासस
