काठमाडौं । सन् २००३ पछि पहिलो पटक अर्जेन्टिनी कप्तान लियोनल मेसी तथा पोर्चुगलका कप्तान क्रिष्टियानो रोनाल्डोबिनै बालोन डि ओर अवार्डको प्रारम्भिक ३० खेलाडी सुची सार्वजनिक भएको छ ।
बुधबार राति सार्वजनिक नयाँ सुचीमा इङ्ल्यान्ड र स्पेनका समान ६ जना खेलाडी छन् । जसमा जुड वेलिंघम बलियो पात्र हुन् । रियाल मड्रिडबाट च्याम्पियन्स लिग जितेका ७ खेलाडी छन् ।
पाँच पटकका विजेता रोनाल्डो पछिल्लो पटक मनोनयनमा परेका थिए । सन् २०२३ मा कीर्तिमानी आठौं पटक जितेका मेसी पनि बाहिर छन् । १६ पटक मनोनयनमा परेका मेसी यसपटक कोपा अमेरिका जितेपनि ३० खेलाडीमा स्थान बनाउन सकेनन् ।
स्पेनको ६ खेलाडीमा १७ वर्षका बार्सिलोनाका विंगर लामिन यमल पनि समावेश छन् । त्यस्तै, निको विलियम, एलेजान्ड्रो ग्रिमाल्डो, डानी ओल्मो, रोड्रि, र डानी कार्भाजाल छन् ।
रियाल मिड्रडरबाट सात खेलाडी छन् । जसमा केलियन एब्बाप्पे, जुड वेलिंघम र भिनिसियस जुनियर छन् । इङ्ल्यान्डबाट कप्तान ह्यारी केन, बुकायो साका, डिक्लेन राइस, कोल पाल्मर र फिल फोडनले स्थान बनाए ।
महिलातर्फ पनि स्पेनबाट बार्सिलोनाका ऐटाना बोनमतीसँगै ६ खेलाडी समावेश छन् । बालोन डि ओरको अन्तिम विजेता अक्टोबर २८ पेरिसमा हुनेछ ।
