बेरुत । लेबनानमा इजरायली आक्रमणमा मृत्यु हुनेको सङ्ख्या आठ पुगेको छ । बेरुतमा भएको आक्रमणमा आठ जनाको मृत्यु भएको लेबनानको स्वास्थ्य मन्त्रालयले पुष्टि गरेको छ ।
स्वास्थ्य मन्त्रालयले जारी गरेको पछिल्लो अपडेटमा इजरायली हमलामा ५९ जना घाइते भएको बताइएको छ । यीमध्ये ८ जनाको अवस्था गम्भीर भनिएको छ । हवाई हमला भएको ठाउँ वरपरको क्षेत्रलाई घेराबन्दी गरिएको बीबीसी संवाददाताले भनेका छन् ।
हिजबुल्लाहले यस सम्पूर्ण क्षेत्रमा सुरक्षा बढाएको बताइएको छ । हिजबुल्लाहका मानिसहरूले पत्रकारहरूलाई घटनास्थलमा जानबाट रोकेको खबर पनि आइरहेको छ ।
यसअघि समाचार एजेन्सी रोयटर्सले स्रोतलाई उद्धृत गर्दै इजरायली सेनाको रेडियो रिपोर्ट अनुसार इजरायलले बेरुतमा हिजबुल्लाह कमान्डर इब्राहिम अकिललाई लक्षित गरी हमला गरेको जनाएको भनिएको थियो ।
