काठमाडौं । दुई दिने नेपाल भ्रमणमा रहेका कतारका राजा शेख तमिम बिन हमाद अल थानी स्वदेश फर्किएका छन् ।
राष्ट्रपति रामचन्द्र पौडेलको औपचारिक निमन्त्रणामा मंगलबार काठमाडौं आएका थानी आज दिउँसो स्वदेश फर्किएका हुन् ।
उनलाई राष्ट्रपति रामचन्द्र पौडेल, उपराष्ट्रपति रामसहाय प्रसाद यादव र प्रधानमन्त्री पुष्पकमल दाहाल प्रचण्डले त्रिभुवन अन्तर्राष्ट्रिय विमानस्थलमा विदाइ गरे ।
सो अवसरमा नेपाली सेनाको टोलीले सलामी अर्पण गरेको थियो ।
