काठमाडौं । कांग्रेस सभापति शेर बहादुर देउवाले आह्वान गरेको विपक्षी दलहरूको संयुक्त बैठक सुरु भएको छ ।
बैठक केहीबेर अघि सुरु भएको हो ।
नेपाली कांग्रेसको संसदीय दलको बैठक सकिएपछि नयाँबानेश्वरस्थित संसद भवनमै बस्ने गरि विपक्षी दलहरुको संयुक्त बैठक आह्वान गरिएको थियो ।
सभापति देउवाले जसपा नेपाल, राप्रपा, लोसपा, नेमकिपा, जनमोर्चा लगायतका नेताहरुलाई बैठकमा बोलाएका छन् ।
बैठकमा संसद्मा उत्पन्न परिस्थितिबारे छलफल गरिने नेताहरूले बताएका छन् ।
प्रतिनिधि सभा बैठकमा विपक्षी दलहरुको संयुक्त रणनीति बनाउने उद्देश्यले संयुक्त बैठक बोलाइएको नेपाली कांग्रेसले जनाएको छ ।
प्रतिनिधि सभाको बैठक आज बिहान ११ बजे बस्ने भनिएपनि अझै बस्न सकेको छैन ।
