काठमाडौँ । आइतबार बस्ने भनिएको प्रतिनिधि सभाको बैठक दोस्रो पटक स्थगित भएको छ ।
संसदीय छानबिन समितिका लागि कार्यविधि तय गर्ने विषयमा सत्तापक्ष दल र प्रमुख प्रतिपक्षी दलबिच सहमति हुन नसक्दा प्रतिनिधि सभा बैठक दोस्रो पटक सरेको हो ।
आइतबार बिहान ११ बजेका लागि बोलाइएको बैठक सूचना टाँस गरेर दिउँसो २ बजेसम्मका लागि स्थगित गरिएको थियो ।
सो समयसम्म दलहरु सहमतिमा आउन नसकेपछि अपराह्न साढे ४ बजे बस्ने गरि स्थगित गरिएको हो ।
सहकारी ठगी प्रकरणमा संसदीय छानबिन बनाउँदा त्यसको कार्यविधिमा गृहमन्त्री रवि लामिछानेको नाम राख्ने कि नराख्ने भन्ने बारेमा सत्तारुढ दल र प्रमुख प्रतिपक्षी दलबिच अझै सहमति जुट्न सकेको छैन ।
